ปจฺจยจตุกฺกํ
[51] กุสลํ นิยตํ ธมฺมํ ปฏิจฺจ กุสโล นิยโต ธมฺโม อุปฺปชฺชติ เหตุปจฺจยาฯ (1)
อกุสลํ นิยตํ ธมฺมํ ปฏิจฺจ อกุสโล นิยโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํฯ) (สหชาตวารมฺปิ…เป.… ปญฺหาวารมฺปิ เอวํ วิตฺถาเรตพฺพํ)ฯ
[52] กุสลํ อนิยตํ ธมฺมํ ปฏิจฺจ กุสโล อนิยโต ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา นว, อารมฺมเณ ตีณิ…เป.… อวิคเต นว (สํขิตฺตํฯ) (สหชาตวารมฺปิ…เป.… ปญฺหาวารมฺปิ เอวํ วิตฺถาเรตพฺพํ)ฯ
1-99. กุสลตฺติก-สอุตฺตรทุกํ
1-7. ปฏิจฺจวาราทิ
ปจฺจยจตุกฺกํ
[53] กุสลํ สอุตฺตรํ ธมฺมํ ปฏิจฺจ กุสโล สอุตฺตโร ธมฺโม อุปฺปชฺชติ เหตุปจฺจยา… ตีณิฯ
อกุสลํ สอุตฺตรํ ธมฺมํ ปฏิจฺจ อกุสโล สอุตฺตโร ธมฺโม อุปฺปชฺชติ เหตุปจฺจยา… ตีณิฯ
อพฺยากตํ สอุตฺตรํ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยาฯ (1)
กุสลํ สอุตฺตรญฺจ อพฺยากตํ สอุตฺตรญฺจ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยาฯ (1)
อกุสลํ สอุตฺตรญฺจ อพฺยากตํ สอุตฺตรญฺจ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[54] เหตุยา นว, อารมฺมเณ ตีณิ…เป.… อวิคเต นว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ
[55] กุสโล สอุตฺตโร ธมฺโม กุสลสฺส สอุตฺตรสฺส ธมฺมสฺส เหตุปจฺจเยน ปจฺจโย… ตีณิฯ
อกุสโล สอุตฺตโร ธมฺโม อกุสลสฺส สอุตฺตรสฺส ธมฺมสฺส เหตุปจฺจเยน ปจฺจโย… ตีณิฯ
อพฺยากโต สอุตฺตโร ธมฺโม อพฺยากตสฺส สอุตฺตรสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)
[56] เหตุยา สตฺต, อารมฺมเณ นว, อธิปติยา นว…เป.… อวิคเต เตรส (สํขิตฺตํ)ฯ
อนุตฺตรปทํ
เหตุ-อารมฺมณปจฺจยา
[57] กุสลํ อนุตฺตรํ ธมฺมํ ปฏิจฺจ กุสโล อนุตฺตโร ธมฺโม อุปฺปชฺชติ เหตุปจฺจยาฯ (1)
อพฺยากตํ อนุตฺตรํ ธมฺมํ ปฏิจฺจ อพฺยากโต อนุตฺตโร ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ
[58] กุสโล อนุตฺตโร ธมฺโม กุสลสฺส อนุตฺตรสฺส ธมฺมสฺส เหตุปจฺจเยน ปจฺจโยฯ (1)
อพฺยากโต อนุตฺตโร ธมฺโม อพฺยากตสฺส อนุตฺตรสฺส ธมฺมสฺส เหตุปจฺจเยน ปจฺจโยฯ (1)
อพฺยากโต อนุตฺตโร ธมฺโม อพฺยากตสฺส อนุตฺตรสฺส ธมฺมสฺส อารมฺมณปจฺจเยน ปจฺจโยฯ (1)
อพฺยากโต อนุตฺตโร ธมฺโม กุสลสฺส อนุตฺตรสฺส ธมฺมสฺส อารมฺมณปจฺจเยน ปจฺจโยฯ (1) (สํขิตฺตํฯ)
[59] เหตุยา ทฺเว, อารมฺมเณ ทฺเว, อธิปติยา ตีณิ, อนนฺตเร ทฺเว…เป.… อวิคเต ทฺเว (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
1-100. กุสลตฺติก-สรณทุกํ
1-7. ปฏิจฺจวาราทิ
ปจฺจยจตุกฺกํ
[60] อกุสลํ สรณํ ธมฺมํ ปฏิจฺจ อกุสโล สรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[61] กุสลํ อรณํ ธมฺมํ ปฏิจฺจ กุสโล อรโณ ธมฺโม อุปฺปชฺชติ เหตุปจฺจยา… ตีณิฯ
อพฺยากตํ อรณํ ธมฺมํ ปฏิจฺจ อพฺยากโต อรโณ ธมฺโม อุปฺปชฺชติ เหตุปจฺจยาฯ (1)
กุสลํ อรณญฺจ อพฺยากตํ อรณญฺจ ธมฺมํ ปฏิจฺจ อพฺยากโต อรโณ ธมฺโม อุปฺปชฺชติ เหตุปจฺจยาฯ (1)
กุสลํ อรณํ ธมฺมํ ปฏิจฺจ กุสโล อรโณ ธมฺโม อุปฺปชฺชติ อารมฺมณปจฺจยาฯ (1)
อพฺยากตํ อรณํ ธมฺมํ ปฏิจฺจ อพฺยากโต อรโณ ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)
[62] เหตุยา ปญฺจ, อารมฺมเณ ทฺเว…เป.… อวิคเต ปญฺจ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ
[63] กุสโล อรโณ ธมฺโม กุสลสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ
อพฺยากโต อรโณ ธมฺโม อพฺยากตสฺส อรณสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)
[64] เหตุยา จตฺตาริ, อารมฺมเณ จตฺตาริ…เป.… อวิคเต สตฺต (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
กุสลตฺติกปิฏฺฐิทุกํ นิฏฺฐิตํฯ
2-100. เวทนาตฺติก-สรณทุกํ
1-7. ปฏิจฺจวาราทิ
ปจฺจยจตุกฺกํ
[65] สุขาย เวทนาย สมฺปยุตฺตํ สรณํ ธมฺมํ ปฏิจฺจ สุขาย เวทนาย สมฺปยุตฺโต สรโณ ธมฺโม อุปฺปชฺชติ เหตุปจฺจยาฯ (1)
ทุกฺขาย เวทนาย สมฺปยุตฺตํ สรณํ ธมฺมํ ปฏิจฺจ ทุกฺขาย เวทนาย สมฺปยุตฺโต สรโณ ธมฺโม อุปฺปชฺชติ เหตุปจฺจยาฯ (1)
อทุกฺขมสุขาย เวทนาย สมฺปยุตฺตํ สรณํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต สรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[66] เหตุยา ตีณิ…เป.… อวิคเต ตีณิ (สํขิตฺตํ)ฯ
(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)
[67] สุขาย เวทนาย สมฺปยุตฺโต สรโณ ธมฺโม สุขาย เวทนาย สมฺปยุตฺตสฺส สรณสฺส ธมฺมสฺส เหตุปจฺจเยน ปจฺจโยฯ (1)
ทุกฺขาย เวทนาย สมฺปยุตฺโต สรโณ ธมฺโม ทุกฺขาย เวทนาย สมฺปยุตฺตสฺส สรณสฺส ธมฺมสฺส เหตุปจฺจเยน ปจฺจโยฯ (1)
อทุกฺขมสุขาย เวทนาย สมฺปยุตฺโต สรโณ ธมฺโม อทุกฺขมสุขาย เวทนาย สมฺปยุตฺตสฺส สรณสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)
[68] เหตุยา ตีณิ, อารมฺมเณ นว…เป.… อวิคเต ตีณิ (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ
อรณปทํ
เหตุปจฺจโย
[69] สุขาย เวทนาย สมฺปยุตฺตํ อรณํ ธมฺมํ ปฏิจฺจ สุขาย เวทนาย สมฺปยุตฺโต อรโณ ธมฺโม อุปฺปชฺชติ เหตุปจฺจยาฯ
อทุกฺขมสุขาย เวทนาย สมฺปยุตฺตํ อรณํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต อรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา ทฺเว, อารมฺมเณ ตีณิ…เป.… อวิคเต ตีณิ (สํขิตฺตํ)ฯ
(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ
[70] สุขาย เวทนาย สมฺปยุตฺโต อรโณ ธมฺโม สุขาย เวทนาย สมฺปยุตฺตสฺส อรณสฺส ธมฺมสฺส เหตุปจฺจเยน ปจฺจโยฯ (1)
อทุกฺขมสุขาย เวทนาย สมฺปยุตฺโต อรโณ ธมฺโม อทุกฺขมสุขาย เวทนาย สมฺปยุตฺตสฺส อรณสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)
[71] เหตุยา ทฺเว, อารมฺมเณ ฉ…เป.… อวิคเต ตีณิ (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
3-100. วิปากตฺติก-สรณทุกํ
1-7. ปฏิจฺจวาราทิ
ปจฺจยจตุกฺกํ
[72] วิปากธมฺมธมฺมํ สรณํ ธมฺมํ ปฏิจฺจ วิปากธมฺมธมฺโม สรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[73] วิปากํ อรณํ ธมฺมํ ปฏิจฺจ วิปาโก อรโณ ธมฺโม อุปฺปชฺชติ เหตุปจฺจยา… ตีณิฯ
วิปากธมฺมธมฺมํ อรณํ ธมฺมํ ปฏิจฺจ วิปากธมฺมธมฺโม อรโณ ธมฺโม อุปฺปชฺชติ เหตุปจฺจยา… ตีณิฯ
เนววิปากนวิปากธมฺมธมฺมํ อรณํ ธมฺมํ ปฏิจฺจ เนววิปากนวิปากธมฺมธมฺโม อรโณ ธมฺโม อุปฺปชฺชติ เหตุปจฺจยา… ตีณิฯ
วิปากํ อรณญฺจ เนววิปากนวิปากธมฺมธมฺมํ อรณญฺจ ธมฺมํ ปฏิจฺจ วิปาโก อรโณ ธมฺโม อุปฺปชฺชติ เหตุปจฺจยา… ตีณิฯ
วิปากธมฺมธมฺมํ อรณญฺจ เนววิปากนวิปากธมฺมธมฺมํ อรณญฺจ ธมฺมํ ปฏิจฺจ เนววิปากนวิปากธมฺมธมฺโม อรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[74] เหตุยา เตรส, อารมฺมเณ ปญฺจ…เป.… อวิคเต เตรส (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ
[75] วิปาโก อรโณ ธมฺโม วิปากสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ
วิปากธมฺมธมฺโม อรโณ ธมฺโม วิปากธมฺมธมฺมสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ
เนววิปากนวิปากธมฺมธมฺโม อรโณ ธมฺโม เนววิปากนวิปากธมฺมธมฺมสฺส อรณสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)
[76] เหตุยา สตฺต, อารมฺมเณ นว…เป.… อวิคเต เตรส (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
4-100. อุปาทินฺนตฺติก-สรณทุกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[77] อนุปาทินฺนุปาทานิยํ สรณํ ธมฺมํ ปฏิจฺจ อนุปาทินฺนุปาทานิโย สรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ
[78] อุปาทินฺนุปาทานิยํ อรณํ ธมฺมํ ปฏิจฺจ อุปาทินฺนุปาทานิโย อรโณ ธมฺโม อุปฺปชฺชติ เหตุปจฺจยา… ตีณิฯ
อนุปาทินฺนุปาทานิยํ อรณํ ธมฺมํ ปฏิจฺจ อนุปาทินฺนุปาทานิโย อรโณ ธมฺโม อุปฺปชฺชติ เหตุปจฺจยาฯ (1)
อนุปาทินฺนอนุปาทานิยํ อรณํ ธมฺมํ ปฏิจฺจ อนุปาทินฺนอนุปาทานิโย อรโณ ธมฺโม อุปฺปชฺชติ เหตุปจฺจยา… ตีณิฯ
อุปาทินฺนุปาทานิยํ อรณญฺจ อนุปาทินฺนุปาทานิยํ อรณญฺจ ธมฺมํ ปฏิจฺจ อนุปาทินฺนุปาทานิโย อรโณ ธมฺโม อุปฺปชฺชติ เหตุปจฺจยาฯ (1)
อนุปาทินฺนุปาทานิยํ อรณญฺจ อนุปาทินฺนอนุปาทานิยํ อรณญฺจ ธมฺมํ ปฏิจฺจ อนุปาทินฺนุปาทานิโย อรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[79] เหตุยา นว, อารมฺมเณ ตีณิ…เป.… อวิคเต นว (สํขิตฺตํ)ฯ (สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ
[80] อุปาทินฺนุปาทานิโย อรโณ ธมฺโม อุปาทินฺนุปาทานิยสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ
อนุปาทินฺนุปาทานิโย อรโณ ธมฺโม อนุปาทินฺนุปาทานิยสฺส อรณสฺส ธมฺมสฺส เหตุปจฺจเยน ปจฺจโยฯ (1)
อนุปาทินฺนอนุปาทานิโย อรโณ ธมฺโม อนุปาทินฺนอนุปาทานิยสฺส อรณสฺส ธมฺมสฺส เหตุปจฺจเยน ปจฺจโย… ตีณิ (สํขิตฺตํ)ฯ
[81] เหตุยา สตฺต, อารมฺมเณ ฉ…เป.… อวิคเต เตวีสฯ
(สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
5-100. สํกิลิฏฺฐตฺติก-สรณทุกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[82] สํกิลิฏฺฐสํกิเลสิกํ สรณํ ธมฺมํ ปฏิจฺจ สํกิลิฏฺฐสํกิเลสิโก สรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[83] อสํกิลิฏฺฐสํกิเลสิกํ อรณํ ธมฺมํ ปฏิจฺจ อสํกิลิฏฺฐสํกิเลสิโก อรโณ ธมฺโม อุปฺปชฺชติ เหตุปจฺจยาฯ (1)
อสํกิลิฏฺฐอสํกิเลสิกํ อรณํ ธมฺมํ ปฏิจฺจ อสํกิลิฏฺฐอสํกิเลสิโก อรโณ ธมฺโม อุปฺปชฺชติ เหตุปจฺจยา… ตีณิฯ
อสํกิลิฏฺฐสํกิเลสิกํ อรณญฺจ อสํกิลิฏฺฐอสํกิเลสิกํ อรณญฺจ ธมฺมํ ปฏิจฺจ อสํกิลิฏฺฐสํกิเลสิโก อรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[84] เหตุยา ปญฺจ, อารมฺมเณ ทฺเว…เป.… อวิคเต ปญฺจ (สํขิตฺตํ)ฯ (สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ
[85] อสํกิลิฏฺฐสํกิเลสิโก อรโณ ธมฺโม อสํกิลิฏฺฐสํกิเลสิกสฺส อรณสฺส ธมฺมสฺส เหตุปจฺจเยน ปจฺจโยฯ (1)
อสํกิลิฏฺฐอสํกิเลสิโก อรโณ ธมฺโม อสํกิลิฏฺฐอสํกิเลสิกสฺส อรณสฺส ธมฺมสฺส เหตุปจฺจเยน ปจฺจโย… ตีณิ (สํขิตฺตํ)ฯ
[86] เหตุยา จตฺตาริ, อารมฺมเณ ตีณิ…เป.… อวิคเต สตฺต (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
6-100. วิตกฺกตฺติก-สรณทุกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[87] สวิตกฺกสวิจารํ สรณํ ธมฺมํ ปฏิจฺจ สวิตกฺกสวิจาโร สรโณ ธมฺโม อุปฺปชฺชติ เหตุปจฺจยาฯ สวิตกฺกสวิจารํ สรณํ ธมฺมํ ปฏิจฺจ อวิตกฺกวิจารมตฺโต สรโณ ธมฺโม อุปฺปชฺชติ เหตุปจฺจยาฯ สวิตกฺกสวิจารํ สรณํ ธมฺมํ ปฏิจฺจ สวิตกฺกสวิจาโร สรโณ จ อวิตกฺกวิจารมตฺโต สรโณ จ ธมฺมา อุปฺปชฺชนฺติ เหตุปจฺจยาฯ (3)
อวิตกฺกวิจารมตฺตํ สรณํ ธมฺมํ ปฏิจฺจ สวิตกฺกสวิจาโร สรโณ ธมฺโม อุปฺปชฺชติ เหตุปจฺจยาฯ (1)
สวิตกฺกสวิจารํ สรณญฺจ อวิตกฺกวิจารมตฺตํ สรณญฺจ ธมฺมํ ปฏิจฺจ สวิตกฺกสวิจาโร สรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[88] เหตุยา ปญฺจ…เป.… อวิคเต ปญฺจ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)
[89] สวิตกฺกสวิจารํ อรณํ ธมฺมํ ปฏิจฺจ สวิตกฺกสวิจาโร อรโณ ธมฺโม อุปฺปชฺชติ เหตุปจฺจยา… สตฺตฯ
อวิตกฺกวิจารมตฺตํ อรณํ ธมฺมํ ปฏิจฺจ อวิตกฺกวิจารมตฺโต อรโณ ธมฺโม อุปฺปชฺชติ เหตุปจฺจยา … ปญฺจฯ
อวิตกฺกอวิจารํ อรณํ ธมฺมํ ปฏิจฺจ อวิตกฺกอวิจาโร อรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
[90] เหตุยา สตฺตติํส…เป.… อวิคเต สตฺตติํส (สํขิตฺตํ)ฯ (สหชาตวารมฺปิ…เป.… ปญฺหาวารมฺปิ วิตฺถาเรตพฺพํ)ฯ
7-100. ปีติตฺติก-สรณทุกํ
1-7. ปฏิจฺจวาราทิ
ปจฺจยจตุกฺกํ
[91] ปีติสหคตํ สรณํ ธมฺมํ ปฏิจฺจ ปีติสหคโต สรโณ ธมฺโม อุปฺปชฺชติ เหตุปจฺจยา… ตีณิฯ
สุขสหคตํ สรณํ ธมฺมํ ปฏิจฺจ สุขสหคโต สรโณ ธมฺโม อุปฺปชฺชติ เหตุปจฺจยา… ตีณิฯ
อุเปกฺขาสหคตํ สรณํ ธมฺมํ ปฏิจฺจ อุเปกฺขาสหคโต สรโณ ธมฺโม อุปฺปชฺชติ เหตุปจฺจยาฯ (1)
ปีติสหคตํ สรณญฺจ สุขสหคตํ สรณญฺจ ธมฺมํ ปฏิจฺจ ปีติสหคโต สรโณ ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ
เหตุยา ทส…เป.… อวิคเต ทส (สํขิตฺตํ)ฯ
(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)
[92] ปีติสหคโต สรโณ ธมฺโม ปีติสหคตสฺส สรณสฺส ธมฺมสฺส เหตุปจฺจเยน ปจฺจโย… ตีณิฯ
สุขสหคโต สรโณ ธมฺโม สุขสหคตสฺส สรณสฺส ธมฺมสฺส เหตุปจฺจเยน ปจฺจโย… ตีณิฯ
อุเปกฺขาสหคโต สรโณ ธมฺโม อุเปกฺขาสหคตสฺส สรณสฺส ธมฺมสฺส เหตุปจฺจเยน ปจฺจโยฯ (1)
ปีติสหคโต สรโณ จ สุขสหคโต สรโณ จ ธมฺมา ปีติสหคตสฺส สรณสฺส ธมฺมสฺส เหตุปจฺจเยน ปจฺจโย… ตีณิ (สํขิตฺตํ)ฯ
[93] เหตุยา ทส, อารมฺมเณ โสฬส…เป.… อวิคเต ทส (สํขิตฺตํ)ฯ (ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ
[94] ปีติสหคตํ อรณํ ธมฺมํ ปฏิจฺจ ปีติสหคโต อรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา ทส…เป.… อวิคเต ทส (สํขิตฺตํ)ฯ
(สหชาตวาเรปิ…เป.… ปญฺหาวาเรปิ ตตฺตกาว ปญฺหาฯ)
8-100. ทสฺสนตฺติก-สรณทุกํ
1-7. ปฏิจฺจวาราทิ
ปจฺจยจตุกฺกํ
[95] ทสฺสเนน ปหาตพฺพํ สรณํ ธมฺมํ ปฏิจฺจ ทสฺสเนน ปหาตพฺโพ สรโณ ธมฺโม อุปฺปชฺชติ เหตุปจฺจยาฯ (1)
ภาวนาย ปหาตพฺพํ สรณํ ธมฺมํ ปฏิจฺจ ภาวนาย ปหาตพฺโพ สรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ทฺเว…เป.… อวิคเต ทฺเว (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)
[96] เนวทสฺสเนน นภาวนาย ปหาตพฺพํ อรณํ ธมฺมํ ปฏิจฺจ เนวทสฺสเนน นภาวนาย ปหาตพฺโพ อรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
9-100. ทสฺสนเหตุตฺติก-สรณทุกํ
1-7. ปฏิจฺจวาราทิ
เหตุปจฺจโย
[97] ทสฺสเนน ปหาตพฺพเหตุกํ สรณํ ธมฺมํ ปฏิจฺจ…เป.… ภาวนาย ปหาตพฺพเหตุกํ สรณํ ธมฺมํ ปฏิจฺจ…เป.… เนวทสฺสเนน นภาวนาย ปหาตพฺพเหตุกํ สรณํ ธมฺมํ ปฏิจฺจ เนวทสฺสเนน นภาวนาย ปหาตพฺพเหตุโก สรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
10-100. อาจยคามิตฺติก-สรณทุกํ
1-7. ปฏิจฺจวาราทิ
เหตุ-อารมฺมณปจฺจยา
[98] อาจยคามิํ สรณํ ธมฺมํ ปฏิจฺจ อาจยคามี สรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[99] อาจยคามิํ อรณํ ธมฺมํ ปฏิจฺจ อาจยคามี อรโณ ธมฺโม อุปฺปชฺชติ เหตุปจฺจยา… ตีณิฯ
อปจยคามิํ อรณํ ธมฺมํ ปฏิจฺจ อปจยคามี อรโณ ธมฺโม อุปฺปชฺชติ เหตุปจฺจยา… ตีณิฯ
เนวาจยคามินาปจยคามิํ อรณํ ธมฺมํ ปฏิจฺจ เนวาจยคามินาปจยคามี อรโณ ธมฺโม อุปฺปชฺชติ เหตุปจฺจยาฯ (1)
อาจยคามิํ อรณญฺจ เนวาจยคามินาปจยคามิํ อรณญฺจ ธมฺมํ ปฏิจฺจ เนวาจยคามินาปจยคามี อรโณ ธมฺโม อุปฺปชฺชติ เหตุปจฺจยาฯ (1)
อปจยคามิํ อรณญฺจ เนวาจยคามินาปจยคามิํ อรณญฺจ ธมฺมํ ปฏิจฺจ เนวาจยคามินาปจยคามี อรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[100] เหตุยา นว, อารมฺมเณ ตีณิ, อธิปติยา นว…เป.… อวิคเต นว (สํขิตฺตํ)ฯ (สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ
[101] อาจยคามี อรโณ ธมฺโม อาจยคามิสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ
อปจยคามี อรโณ ธมฺโม อปจยคามิสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ
เนวาจยคามินาปจยคามี อรโณ ธมฺโม เนวาจยคามินาปจยคามิสฺส อรณสฺส ธมฺมสฺส เหตุปจฺจเยน ปจฺจโยฯ (1)
อาจยคามี อรโณ ธมฺโม อาจยคามิสฺส อรณสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ
[102] เหตุยา สตฺต, อารมฺมเณ สตฺต, อธิปติยา ทส, อนนฺตเร ฉ…เป.… อวิคเต เตรสฯ (สํขิตฺตํฯ)
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
11-100. เสกฺขตฺติก-สรณทุกํ
1-7. ปฏิจฺจวาราทิ
เหตุปจฺจโย
[103] เนวเสกฺขนาเสกฺขํ สรณํ ธมฺมํ ปฏิจฺจ เนวเสกฺขนาเสกฺโข สรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[104] เสกฺขํ อรณํ ธมฺมํ ปฏิจฺจ เสกฺโข อรโณ ธมฺโม อุปฺปชฺชติ เหตุปจฺจยาฯ เสกฺขํ อรณํ ธมฺมํ ปฏิจฺจ เนวเสกฺขนาเสกฺโข อรโณ ธมฺโม อุปฺปชฺชติ เหตุปจฺจยาฯ เสกฺขํ อรณํ ธมฺมํ ปฏิจฺจ เสกฺโข อรโณ จ เนวเสกฺขนาเสกฺโข อรโณ จ ธมฺมา อุปฺปชฺชนฺติ เหตุปจฺจยาฯ (3)
อเสกฺขํ อรณํ ธมฺมํ ปฏิจฺจ อเสกฺโข อรโณ ธมฺโม อุปฺปชฺชติ เหตุปจฺจยา… ตีณิฯ
เนวเสกฺขนาเสกฺขํ อรณํ ธมฺมํ ปฏิจฺจ เนวเสกฺขนาเสกฺโข อรโณ ธมฺโม อุปฺปชฺชติ เหตุปจฺจยาฯ (1)
เสกฺขํ อรณญฺจ เนวเสกฺขนาเสกฺขํ อรณญฺจ ธมฺมํ…เป.… เหตุปจฺจยาฯ
อเสกฺขํ อรณญฺจ เนวเสกฺขนาเสกฺขํ อรณญฺจ ธมฺมํ ปฏิจฺจ เนวเสกฺขนาเสกฺโข อรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[105] เหตุยา นว, อารมฺมเณ ตีณิ…เป.… อวิคเต นวฯ
(สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)
[106] เสกฺโข อรโณ ธมฺโม เสกฺขสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ
อเสกฺโข อรโณ ธมฺโม อเสกฺขสฺส อรณสฺส ธมฺมสฺส เหตุปจฺจเยน ปจฺจโย… ตีณิฯ
เนวเสกฺขนาเสกฺโข อรโณ ธมฺโม เนวเสกฺขนาเสกฺขสฺส อรณสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)
[107] เหตุยา สตฺต, อารมฺมเณ ปญฺจ, อธิปติยา นว, อนนฺตเร อฏฺฐ…เป.… อวิคเต เตรส (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
11 -100. ปริตฺตตฺติก-สรณทุกํ
1-7. ปฏิจฺจวาราทิ
เหตุปจฺจโย
[108] ปริตฺตํ สรณํ ธมฺมํ ปฏิจฺจ ปริตฺโต สรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[109] ปริตฺตํ อรณํ ธมฺมํ ปฏิจฺจ ปริตฺโต อรโณ ธมฺโม อุปฺปชฺชติ เหตุปจฺจยา… ตีณิฯ
มหคฺคตํ อรณํ ธมฺมํ ปฏิจฺจ มหคฺคโต อรโณ ธมฺโม อุปฺปชฺชติ เหตุปจฺจยา… ตีณิฯ
อปฺปมาณํ อรณํ ธมฺมํ ปฏิจฺจ อปฺปมาโณ อรโณ ธมฺโม อุปฺปชฺชติ เหตุปจฺจยา… ตีณิฯ
ปริตฺตํ อรณญฺจ มหคฺคตํ อรณญฺจ ธมฺมํ ปฏิจฺจ ปริตฺโต อรโณ ธมฺโม อุปฺปชฺชติ เหตุปจฺจยา… ตีณิฯ
ปริตฺตํ อรณญฺจ อปฺปมาณํ อรณญฺจ ธมฺมํ ปฏิจฺจ ปริตฺโต อรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[110] เหตุยา เตรส, อารมฺมเณ ปญฺจ…เป.… อวิคเต เตรสฯ
(สํขิตฺตํฯ สหชาตวาเรปิ …เป.… ปญฺหาวาเรปิ สพฺพตฺถ วิตฺถาโรฯ)
13 -100. ปริตฺตารมฺมณตฺติก-สรณทุกํ
1-7. ปฏิจฺจวาราทิ
เหตุปจฺจโย
[111] ปริตฺตารมฺมณํ สรณํ ธมฺมํ ปฏิจฺจ ปริตฺตารมฺมโณ สรโณ ธมฺโม อุปฺปชฺชติ เหตุปจฺจยาฯ (1)
มหคฺคตารมฺมณํ สรณํ ธมฺมํ ปฏิจฺจ มหคฺคตารมฺมโณ สรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ทฺเว…เป.… อวิคเต ทฺเว (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)
[112] ปริตฺตารมฺมณํ อรณํ ธมฺมํ ปฏิจฺจ ปริตฺตารมฺมโณ อรโณ ธมฺโม อุปฺปชฺชติ เหตุปจฺจยาฯ (1)
มหคฺคตารมฺมณํ อรณํ ธมฺมํ ปฏิจฺจ มหคฺคตารมฺมโณ อรโณ ธมฺโม อุปฺปชฺชติ เหตุปจฺจยาฯ (1)
อปฺปมาณารมฺมณํ อรณํ ธมฺมํ ปฏิจฺจ อปฺปมาณารมฺมโณ อรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ตีณิ…เป.… อวิคเต ตีณิ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)
14 -100. หีนตฺติก-สรณทุกํ
1-7. ปฏิจฺจวาราทิ
เหตุปจฺจโย
[113] หีนํ สรณํ ธมฺมํ ปฏิจฺจ หีโน สรโณ ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ…เป.… อวิคเต เอกํ (สํขิตฺตํ)ฯ
[114] มชฺฌิมํ อรณํ ธมฺมํ ปฏิจฺจ มชฺฌิโม อรโณ ธมฺโม อุปฺปชฺชติ เหตุปจฺจยาฯ (1)
ปณีตํ อรณํ ธมฺมํ ปฏิจฺจ ปณีโต อรโณ ธมฺโม อุปฺปชฺชติ เหตุปจฺจยา… ตีณิฯ
มชฺฌิมํ อรณญฺจ ปณีตํ อรณญฺจ ธมฺมํ ปฏิจฺจ มชฺฌิโม อรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ปญฺจ…เป.… อวิคเต ปญฺจ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)
15-100. มิจฺฉตฺตนิยตตฺติก-สรณทุกํ
1-7. ปฏิจฺจวาราทิ
เหตุปจฺจโย
[115] มิจฺฉตฺตนิยตํ สรณํ ธมฺมํ ปฏิจฺจ มิจฺฉตฺตนิยโต สรโณ ธมฺโม อุปฺปชฺชติ เหตุปจฺจยาฯ (1)
อนิยตํ สรณํ ธมฺมํ ปฏิจฺจ อนิยโต สรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ทฺเว…เป.… อวิคเต ทฺเว (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)
[116] สมฺมตฺตนิยตํ อรณํ ธมฺมํ ปฏิจฺจ สมฺมตฺตนิยโต อรโณ ธมฺโม อุปฺปชฺชติ เหตุปจฺจยาฯ
สมฺมตฺตนิยตํ อรณํ ธมฺมํ ปฏิจฺจ อนิยโต อรโณ ธมฺโม อุปฺปชฺชติ เหตุปจฺจยาฯ สมฺมตฺตนิยตํ อรณํ ธมฺมํ ปฏิจฺจ สมฺมตฺตนิยโต อรโณ จ อนิยโต อรโณ จ ธมฺมา อุปฺปชฺชนฺติ เหตุปจฺจยาฯ (3)
อนิยตํ อรณํ ธมฺมํ ปฏิจฺจ อนิยโต อรโณ ธมฺโม อุปฺปชฺชติ เหตุปจฺจยาฯ (1)
สมฺมตฺตนิยตํ อรณญฺจ อนิยตํ อรณญฺจ ธมฺมํ ปฏิจฺจ อนิยโต อรโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
เหตุยา ปญฺจ, อารมฺมเณ ทฺเว…เป.… อวิคเต ปญฺจ (สํขิตฺตํ)ฯ (สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)
16-100. มคฺคารมฺมณตฺติก-สรณทุกํ
1-7. ปฏิจฺจวาราทิ
เหตุปจฺจโย
[117] มคฺคารมฺมณํ อรณํ ธมฺมํ ปฏิจฺจ มคฺคารมฺมโณ อรโณ ธมฺโม อุปฺปชฺชติ เหตุปจฺจยา… ตีณิฯ
มคฺคเหตุกํ อรณํ ธมฺมํ ปฏิจฺจ มคฺคเหตุโก อรโณ ธมฺโม อุปฺปชฺชติ เหตุปจฺจยา… ตีณิฯ
มคฺคาธิปติํ อรณํ ธมฺมํ ปฏิจฺจ มคฺคาธิปติ อรโณ ธมฺโม อุปฺปชฺชติ เหตุปจฺจยา… ปญฺจฯ
มคฺคารมฺมณํ อรณญฺจ มคฺคาธิปติํ อรณญฺจ ธมฺมํ ปฏิจฺจ มคฺคารมฺมโณ อรโณ ธมฺโม อุปฺปชฺชติ เหตุปจฺจยา… ตีณิฯ
มคฺคเหตุกํ อรณญฺจ มคฺคาธิปติํ อรณญฺจ ธมฺมํ ปฏิจฺจ มคฺคเหตุโก อรโณ ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ
เหตุยา สตฺตรส…เป.… อวิคเต สตฺตรส (สํขิตฺตํ)ฯ
(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)
